Naigo sa kusog nga linog nga anaa sa magnitude 5.1 ang probinsya sa Quezon udto ning adlawa, sumala sa Philippine Institute of Volcanology and Seismology (Phivolcs).
Base sa datos sa Phivolcs, nahitabo ang linog 24 kilometro sa amihanang-kasadpan sa General Nakar, nga adunay gilawmon nga 6 ka kilometro.
Tungod sa pag-uyog, ang mga tawo gikan sa pipila ka mga building sa Metro Manila , lakip na ang Senado, National Bureau of Investigation (NBI), ug Department of Migrant Workers ang nag-evacuate.
Nagpahimangno ang Phivolcs nga posibleng adunay mga aftershock human sa linog. Bisan pa nga Intensity 2 lang ang narehistro sa Taguig, posible pa kining mausab depende sa dugang nga impormasyon.
Ang Pilipinas usa sa mga nasud nga sakop sa Pacific Ring of Fire, hinungdan nga kanunay kining makasinati og mga linog.
Kadaghanan sa mga linog hinay ra, apan adunay mga kusog ug delikado nga linog nga mahimong mahitabo bisan walay pasidaan.
Hangtod karon, wala pay teknolohiya nga maka-tagna kung kanus-a kini eksaktong mahitabo.
