Padayon pa ang imbestigasyon sa Malapatan Municipal Police Station kalabutan sa ulahing pagpamusil patay sa ilang area of responsibility.
Ang biktima ang giila nga si Joshua Calderon Acruz, 23 anyos, singl, mag-uuma nga taga Sitio Malakahi, Brgy. Poblacion, Malapatan, Sarangani Province.
Ang mga suspek mao silang Primo Cawari, Oyem Cawari, Bobong Calsawi, Benjie Cawari, Charly Cawari , Jarbe Manangka, Batuyon Dawang, Isaac Cawari, Milky Cawari, Bobby Cawari og may uban pa nga gikabutyag nga residente sa Sitio Malakahi, Brgy. Poblacion, Malapatan.
Adunay nagpahibalo nga concerned citizen sa kapulisan hinungdan nga nagresponde.
Sa ilang pag-abot nakit-an ang usa ka tawo nga nagbuy-od nga walay kinabuhi nga mao si Acruz.
Base sa imbestigasyon sa kapulisan nga ang mga suspek ang miabot sa balay sa biktima nga ilang gitiro gilayon nga walay daghang sulti.
Ang biktima ang igo sa likod nga bahin sa iyang lawas nga maoy hinungdan sa ilang kamatayon.
Paspas nga mihawa sa crime scene ang mga suspek sa wala masayring direksyon og padayon pa nga gipangita sa mga pulis.
