Gimando karon sa mayor sa Zamboanga City ang dayong pagkasikop sa mga responsible sa pagpusil patay sa mag-asawa sa Brgy. Boalan, Zamboanga City.
Giila ang mga biktima nga silang Fathie Bara Loong og asawa niini nga giila nga si Bai Rivalia.
Base sa report sa kapulisan, kalit na lamang matod pa giduolan sa gunman ang mga biktima nga si Loong ug gipusil nga sa maong higayuna kasamtangang giinspeksyon ang konstruksyon sa ilang tindahan sa maong lugar.
Sunod usab matod pa nga gipusil ang asawa niini nga naglingkod sa sulod sa ilang van katapad ang ilang 4 yrs. old nga anak nga babaye.
Samtang luwas usab matod pa ang anak sa mag-asawa.
Kalabot niini, dayon nga gimando ni Mayor John Dalipe ang pagpatuman ug hugot nga seguridad sa lugar dungan sa gipatuman nga gun ban tungod sa nagkaduol nga midterm elections.
