GENERAL SANTOS CITY – Giangkon ni Engr. Macario Gonzaga, Regional director sa Land Transportation Office (LTO 120 nga dili kaayo daghan ang napasakaan og kaso kalabutan sa Anti-Drunk and Drugged Driving Act of 2013”.
Matud pa ni Engr. Gonzaga nga ang usa sa mga rason niini gumikan wala napamatud-an nga naka-inum og bino o kaha naggamit sa ilegal nga droga.
Sa pamahayag sa nasampit nga opisyal nga ang angayang himoon sa mga nagrespondi nga mga traffic enforcers nga aksidente ang ipailawom sa liquor test aron mapamatud-an ang alegasyon .
Kahibaluan nga daghang mga aksidente sa kadalanan ang nahitabo nga ang driver ang hubog.
Base sa balaod nga kung magresulta sa physical injuries, magmulta ang hubog nga driver og P100,000 hangtud sa P200,000. Apan kung mamatay ang biktima magmulta ang hubog nga driver og P300,000 hangtud sa P500,000.00.
