Dili lauman nga mahimong bagyo ang Low pressure area ko LPA nga kaganihang buntag nabantayan nga anaa sa coastal waters sa Guiuan, Eastern Samar .
Matud ni Binrio Biñan, Chief Meteorological Officer sa Pagasa Gensan, bisan malusaw ra ang LPA apan mapakusog niini ang epekto sa Habagat ukon Southwest Monsoon ug resulta kini sa mapanganuron nga kalangitan nga nasinatian karon sa Gensan ug uban pang apektadong lugar sa nasud.
Gikan ang panganod sa kasadpan nga bahin nga dala sa Habagat maong maabot sa atong lugar nga magresulta kini ug mga pag-ulan. Gumikan sa maong weather disturbance lauman ang mga pag-ulan sa hapon o gabie.
Samtang gipaklaro niini nga ang habagat ang mulungtad 3 hangftod sa 4 ka adlaw bag-o muhinay apan mukusog ug mudugay pa kung adunay weather systems nga makaapekto niini.
Ang Rehiyon sa SOCCSKSARGEN nakasinati karon ug panagsang mapanganuron ngadto sa madag-umon nga kalangitan inubanan sa katag-katag nga pag-ulan, pagpanugdog-kilat tungod sa Habagatan.
