GENERAL SANTOS CITY – Padayon ang pag monitor sa lokal nga panggamhanan sa Gensan sa price ceiling sa bugas nga PHP 45 well-milled sa merkado publiko.
Kahinumduman nga nipagawas og memorandum order si City Administrator Atty. Franklin Gacal, Jr. nga ipatuman kining price ceiling aron pagtuman sa Executive Order No. 39 ni Presidente Ferdinand “Bongbong” Marcos, Jr.
Kini nga memorandum gipirmahan ug gipatuman niadtong Lunes, Setyembre 4, 2023.
Kahibaloan nga daghang mga gagmayng negosyante ang nagbutyag nga nakalitan sila sa maong mando apan wala silay mahimo gawas sa pagtuman niini bisan kung malugi sila. Ang nahisgutang lakang ang nakitang solusyon sa Pangulo sa kamahal sa presyo sa bugas ning milabayng semana luyo nga gihingusgan sa hingtungdang ahensiya nga walay shortage sa suplay sa bugas sa nasud.
