Hugot ang mando ni Philippine National Police (PNP) Chief, PGen. Rommel Francisco Marbil sa 200,000 nga mga kapulisan nga mamahimong “apolitical” sa umaabot nga eleksyon sa 2025.
Gihimo sa PNP chief ang maong pamahayag dungan sa pag umpisa sa filing ng Certificates of Candidacy (CoC) o ang pag-file sa kandidatura alang sa 2025 Mid-Term Elections nga gikatakda sa Mayo 12 2025.
Sa pakighinabi kang Marbil sa Kampo Olivas sa Pampanga, iyang gipasiugda nga kinahanglang seguradohon nga limpyo, malinawon ug luwas ang tibuok election period nga walay mamatay tungod sa panagbangi sa politika.
Mao nga gikonsidera sa PNP ang sayo nga pagpatuman sa gun ban ingon man ang gipakusog nga kampanya batok sa loose firearms.
Dugang pa sa hepe sa PNP, bisan tuod templated na ang layout sa ilang seguridad, gusto gihapon niya kini nga pauswagon gamit ang mga pagtulon-an nga gibilin sa nangaging mga piniliay aron dili na masubli ang dautang panghitabo.
