Gibutyag ni Pangulong Ferdinand Marcos Jr. nga dili na kinahanglan nga maghatag og dugang nga pondo ang mga local government units (LGUs) sa gastos sa P20 kada kilo nga bugas program sugod sunod tuig.
Kini gumikan mangita na ang national government og pamaagi aron nga mapadayon ang maong programa.
Sa pagkakaron ang national government ug mga LGU nagtinabangay sa pag-subsidy sa maong programa, nga gibaligya sa mga Kadiwa ng Pangulo outlets alang sa mga kabus ug vulnerable nga sektor.
Sa kasamtangan paigo ang supply sa bugas alang sa sa 51% nga populasyon. Apan target sa gobyerno nga mapalapdan pa ang programa hangtud makab-ot ang tibuok nasud.
Kumpiyansa ang pangulo nga malungtaron ang programa, tungod sa mga kalambuan sa produksyon sa humay gawas pa sa mas maayong irigasyon, paggamit sa makinarya, ug research sa high-yielding nga klase sa humay.
