GENERAL SANTOS CITY – Naghinam-hinam na ang lokal nga panggamhanan sa Sarangani nga mahuman na ang Regional Drug Rehabilitation Center nga nahimutang sa Alabel.
Sa pakighinabi sa Bombo Radyo, gibutyag ni Governor Steve Chongbian Solon nga sa katapusan ning tuiga gikatakdang pormal nga i-turnover sa Chinese couterparts ang nasampit nga regional drug rehabilitation center sa Department of Health (DOH-12), nga maoy magdumala sa nahisgutang pasilidad kon pormal nang ma-intrigo kanila.
Kahibaluan nga ang China ang maoy migahin ug pondo alang sa pagpatukod sa nahisgutang drug rehabilitation facility, hinungdan nga gilaumang mutambong sa turnover ang Chinese ambassador.
Kahibaluan nga ang naasoy’ng Regional Drug Rehabilitation Center ang nag-inusara dinhi sa Mindanao, nga napili nga ipatukod sa Alabel, Sarangani.
