GENERAL SANTOS CITY – Gikumpirma ni Kapitan Jeprox Yumang sa Brgy. San Isidro nga ang tulo ka black bags nga nayabo sa dalan ang may mga nagamit nga mga test kits gikan sa mga basura nga nakolekta gikan sa isolation facility sa ilang barangay.
Matud pa niini, dihang gipaabot sa usa ka concern citizen ngadto sa ilang barangay hall ang kalabot sa insidente gilayon niining gipahipos ang mga basura og gipasiguro nga walay nahibilin.
Ang mga naasoyng basura ang nakolekta sa mga isolation units sa GSC Sped Integrated School Campus kung asa sa maong tulunghaan usab gipahigayon ang swab testing.
Gikabutyag nga wala namatikdan sa mga collector sa basura nga nangayabo ang tulo ka itum nga sa dihang pag-agi sa tulay kung asa may parte nga lubak-lubak ang dalan.
Sa pamahayag ni Ferdinand Pareja ang labaw sa Solid Waste and Management Office nga ang mga nangayabo nga test kits ang maoy gigamit sa mga naka-isolate nga COVID positive hinungdan nga delikado.
Giklaro ni Pareja nga bag-o ginadala ang mga basura sama sa PPEs, face mask og uban pa gina-disinfect una sa mga sakop niini bag-o nga dalhon sa sanitary landfill sa Sinawal og didto ilubong pagmaayo.
