GENERAL SANTOS CITY – Target karon sa lokal nga panggamhanan ning dakbayan nga himuong mas mabulukon ug masadyahon ang pagsaulog sa Blaan Day sa umaabot nga Hunyo 22.
Karon pa lang hugot na ang pagpangandam sa siyudad, kung asa matud ni Vice Mayor Shirlyn Bañas-Nograles,himuong mas masadyahon ang pagsaulog sa Blaan Day karong tuiga, itandi sa miaging tuig.
Kini pinaagi sa pipila ka mga aktibidad ug kalingawan ang idugang.
Gilaumang sa mga musunod nga adlaw, maplastar na amng mga aktibidad nga ipahigayon sa Oval covered court.
Kahibaluan nga nagpadayon pa ang paghisgut sa proseso alang sa pagpili sa sunod nga matuboy isip bag-ong Indigenous People’s Mandatory Representantive sa Sangguniang Panglungsod.
Ug gani, unom matud pa ka mga pangalan ang ginalantaw alang sa maong posisyon, luyo nga dili una buot ipagawas ngadto sa publiko.
