Gipasalig ni Kag. Jun Lagare Jr. ang Chairperson sa Committee on Transportation sa konseho nga ipatuman gayud sa syudad kung unsa ang mga patakaran sa tricycle.
Kini ang iyang tubag sa pangutana kalabutan sa mga triycle nga gikan sa kasikbit nga mga lugar nga gapamasahero sa Dakbayan.
Nakig-alayon na sila sa mga traffic enforcers sa dakbayan nga magbantay sa entry og exit points sa Dakbayan aron dili makasulod sa sentro sa Syudad.
Nasayran nga dugay na ang problema kalabutan sa tricycle sa Syudad kung asa mas daghan pa ang mga colorum inay sa legal nga triycle.
Gibutyag nga misamot kagamay ang kita sa mga drivers tungod daghan ang mga kompetensya gikan sa mga laing lugar.
Sa pagbana-bana kapin sa 30,000 ka mga tricycles ang gabiyahe sa syudad nga unta 9,000 lang ang kinahanglan.
