GENSAN– Human gi-warningan sa DILG nga hawanon gikan sa tanang babag ang mga kadalanan, gilayong nagpagawas og memorandum ang syudad nga tanang laray vendors gawas sa Central Public Market sa Gensan ang papahawaon na.
Matod ni City Administrator Shandee Llido-Pestanio, kutob sa Disyembre uno na lang nga tugotan nga makabaligya ang mga laray vendors.
Gibutyag niya nga ang mga nasampit ang adunay mga puwesto sa Alunan og ang pila usab niini ang adunay puwesto sa sulod sa palengke.
Sa dugay nga panahon, gihatagan sila og pabor apan karon kinahanglan ng ipatuman ang kamandoan sa DILG alang sa paghawan sa mga kadalanan tungod garesulta kini og huot nga dagan sa trapiko ilabina sa Santiago Blvd.
Hinuon, makig-istorya sila sa mga lider sa laray vendors sa dili pa ang December 1.
Sa pagkakaron, gitugotan pa ang mga vendors nga mamaligya gikan alas-4 sa hapon hangtod alas-6 sa buntag.
