GENERAL SANTOS CITY- Kulata ang naangkon ug black eye sa suspek nga si Edmar Muyco Senador, 50 anyos, karpintero nga residente sa Apopong ning dakbayan human nga nanglugos sa usa ka singko anyos nga bata.
Matud kang Arlene iyaan sa biktima nga gitabangan ug kulata ang suspek sa mga residente sa maong lugar human nasayran ang gihimo niini ngadto sa biktima.
Nasuta nga dili kini ang unang higayon nga nangbiktima ug bata ang singkwenta anyos tungod dose ka higayon na kining nanglugos kung asa ang estilo mag ilis2 ug pangalan aron dili daling mailhan.
Gisaysay sa usa ka testigo nga iyang nakita nga migawas sa kasabutang bahin kung asa didto nakit-an ang patayng lawas sa biktima busa gilayon nga miresponde ang mga silingan ug gibokbok ang suspek.
Pag-abut sa kapulisan didto na miangkon sa gihimo sa biktima.
Gibutyag nga mga alas 9:30 sa gabii sa dihang gikareport ang pagkakaplag sa patayng lawas sa bata. Gilayon nga nagrespondi ang mga pulis og nakit-an ang patay nga lawas nga wala nay underwear.
Adunay panapton nga gibutang sa baba sa bata kung asa may dugo nga nakit-an ang mga otoridad.
Matud pa nga patay na ang amahan sa bata kung asa ang inahan atoa sa kauluhan.
Nasuta nga may pito ka igsuon ang biktima kung asa ang ilang magulang ang gaatiman sa iyang mga igsuon.
