Ang uban sa atoa nagahandum nga maka-set og record aron nga mailhan sa tibuok kalibutan.
Dili kini imposible tungod sa uban nga mga Pinoy nga nagmarka na sa ilang pangalan sa world records — sa sports, sa pageant, abilidad, og sa uban pa nga mga natad.
Apan adunay usa ka lalake nga lain pa gyud sa lebel sa rekord ang iyang gusto nga makab-ot.
Kini mao si Ryuta Watanabe, 36-anyos og residente sa Northern Prefecture sa Hokkaido, Japan nga gusto gyud ilhon isip “god of marriage.”
Gibutyag niini nga nakabatyag siya og depresyon og gibayaan siya sa iyang hinigugma og mao kini ang nagtukmod kaniya nga makig-ilaila sa bag-o nga mga babaye gamit ang ‘dating applications’.
Sa karon aduna na kini upat ka mga asawa og duha ka girlfriend og bisan 30 pa lamang ang iyang edad, napulo na ang iyang anak.
Ang mga babaye nga gikauban ni Ryuta ang makonsidera nga ‘common-law in nature’ tungod iligal sa Japan ang polygamy.
Ginaila sila nga mag-partner og daw set-up usab sa kasado nga mga indibidwal ang ilang relasyon, apan wala lamang formal registration.
Walay trabaho si Ryuta sa sulod na sa usa ka dekada kon napulo ka tuig og nagasalig lang siya sa mga sweldo sa iyang mga asawa.
Isip tabang sa mga asawa niya, siya ang in-charge sa mga lihukunon sa balay lakip na sa pagluto og pagbantay sa mga bata.
Miabot ang ilang galastuhan sa 914,000 yen ukon P350,000 matag bulan apan wala kini problema tungod ginatunga-tunga kini sa iyang mga asawa og mga girlfriend.
Gibutyag ni Ryuta nga ganahan gyud siya sa mga babaye, og wala man silay problema basta nagapalanggaanay lamang sila.
Matag babaye ang adunay tagsa ka kuwarto sa ilang balay, og nagabalhin balhin lang siya matag gabie kmun kinsa ang iyang gustong makauban sa pagtulog.
Gipasiatab pa niini nga 28 ka higayon siya nga nakighilawas sa matag semana og wala usab nagapanelos ang mga babaye tungod managhigala usab sila tanan.
Sa kamatuoran, gusto pa ni Ryuta nga makakita og bag-o nga pangasaw-unon.
Okay na kaniya nga makaangkon og anak og 54 kabuok tungod ang gusto niini gub-on nga record mao ang iya sa Japanese shogun nga si Tokugawa Ienari nga napatay niadtong 1841.
Si Tokugawa mao ang longest-serving shōgun sa Tokugawa shogunate sa Japan ang ginareport nga adunay 53 ka anak og adunay 27 ka ginapuyo nga babaye sa Edo Period ukon tunga-tunga sa 1603 og 1868.
