Nasikop sa kapulisan ang usa ka 26-anyos nga lalaki human kining misulay og palagyo sa random checkpoint operation sa Purok 16, Diversion Road, Crossing San Jose, Barangay Fatima, General Santos City, alas 5:52 sa buntag, Oktubre 15, 2026.
Giila sa kapulisan ang dinakpan nga si Jaymar Empoc Importante, usa ka laborer sa fish port ug residente sa Purok Upper Banwalan, Zone 7, Barangay Tambler, General Santos City.
Base sa inisyal nga report sa Police Station 7, nagpahigayon og random checkpoint operation ang mga kapulisan sa maong lugar alang sa pagpatuman sa mga balaod sa trapiko dihang ilang gipasirit ang usa ka itom nga Honda XRM 125 nga motorsiklo nga walay helmet ang drayber.
Apan imbes nga motuman sa instruksyon sa mga pulis, mipadagan og paspas ang suspek aron makapalayo, hinungdan nga gigukod kini sa mga operatiba.
Nasakpan ang suspek mga 300 metros gikan sa checkpoint, sa usa ka rough road sa Purok 13B, Y-Junction, Phil-Am Avenue, Barangay Fatima. Atol sa paggukod, nahulog kini sa motorsiklo samtang nagmaniobra sa dili sementadong dalan, hinungdan nga nabali ang clutch lever sa motorsiklo.
Human madakpi, gibalik ang suspek sa checkpoint alang sa tukmang pagproseso. Atol sa body search, ug sa pagpangayo sa iyang pagtugot sa pag-usisa sa iyang belt bag, narekober gikan kaniya ang usa ka .22-caliber Magnum revolver nga gitawag og Black Widow, nga walay serial number ug adunay tulo ka bala.
Nakuha usab ang usa ka heat-seal
