Duha ka higayun gyud nga nagkinahanglan ug rescue ang usa ka lalaki nga nagsaka sa Mt. Fuji sa Japan human niini gibalikan ang iyang nabilin nga cellphone.
Kini mao ang 27-anyos nga estudyante gikan sa China nga temporaryo nga nagatinir sa Japan.
Niadtong Martes, samtang anaa na siya sa trail, dili na kini makapanaog tungod nawala niini ang iyang ‘crampons’ nga mao ang ‘spiked device’ nga ginabutang sa ‘climbing shoes’ para mas maayo ang ilang paglakaw.
Gitawgan pa kini sa helicopter aron nga makabiya lang siya sa maong taas nga area.
Apan pagkasunod nga adlaw, nakahinumdom siya nga nabilin ang iyang cellphone hinungdan nibalik ang lalaki bisan nga wala na gitugotan ang pag-hike sa area.
Dihang didto na siya sa ibabaw, naglain ang iyang paminaw ug tungod niini, duha ka higayun gyud siya nga gi-rescue sa otoridad sa sulod lamang sa upat ka adlaw.
Gibatikos ang maong lalaki tungod sa wala pagsunod sa protocol, ug nanawagan usab ang mga tawo kaniya nga magbayad tungod sa duha ka rescue missions nga gihimo tungod lang sa iyang pagpasaway.
