SOUTH COTABATO – Hugot nga gitutukan sa mga otoridad ang labing ulahi nga insidente sa pagbusikad sa improvised explosive device (IED) sa usa ka unit sa bus sa Yellow Bus Lines Incoporated kagahapong adawa sa Purok Duranta, Barangay Poblacion, Tacurong City.
Sa maong panghitabo usa ang namatay samtang 11 usab ang samaron nga padayon pa nga gitambalan sa mga ospital sa Tacurong.
Ang bus ang gikan sa Kidapawan City padulong sa dakbayan sa Heneral Santos.
Ang nakabsan sa kinabuhi ang nailhan sa pangalan nga si Gilbert Barbosa Panes, 56 anyos nga taga Kidapawan City.
Ang mga samaron nailhan nga silang Erlinda Estiban Pama, 47, Tulunan, North Cotabato; Braulio Boston 39, Mlang, North Cotabato; Delia Della, 64; Nancy Nietes, 41; Bea Posia, 21, Makilala, NoCot; Rex Rezenelde, 29, Makilala, NoCot; Emmanuel Latadaya, 22; Nietes, 1 yr old; Zezuel Ojorio, 26, NoCot; Jobers Rweka, 25, North Cotabato og Esmael Daomilang, 59 anyos.
Ang bus ang may body number 2588 sakay ang 29 ka pasahero kung asa nahitabo ang insidente pasulod na unta sa Public Terminal.Nasayran nga gawas sa unang mibuto aduna pay narekober matud pa nga IED ang EOD team.
