Giangkon ni Administrator Nathaniel Servando sa Pagasa nga posibleng ang pag-ulan nga niresulta sa pagbaha sa Bicol region ug ubang bahin sa nasud tungod sa bagyong Kristine ang mahimong timailhan sa mas kusog ug lapad nga mga pag-ulan.
Matud kang Servando sa interview sa Bombo Radyo, mahimo kini nga ma trigger aron sa hinay nga pagpakusog sa La Niña.”
Ang La Niña phenomenon ang sukwahi sa El Niño nga maoy hinungdan sa kakulangon sa tubig tungod sa kainit .
Mao ang nasinatian nga mga pag baha ang tungod sa nasinatian ‘ weather phenomenon’.
Samtang nagpaklaro dayon ang Pagasa head sa mga nag gawas nga mga impormasyon nga pang- tulo ka buwan ang ulan nga gibubo nga hatud sa bagyong Kristine sa Bicol.
Pagpatin-aw niini nga bisan ug dakong , volume sa ulan ang gibubo dili accurate ang gi ingon nga pang tulo ka bulan ang maong ulan sa sulod sa usa ka adlaw .
Sumala sa ilang sukod, hapit duha ka buwan nga lebel sa tubig ang nasinati sulod lamang sa mubo nga panahon.
Hinuon, matod niya dili kinahanglan nga mulihis sa tinuod nga datos aron lang mahulagway ang gidak-on sa kadaot nga gipahinabo sa kusog nga ulan.
