Bagyong Hagupit, mihinay ug mihuyang samtang nagkaduol sa teritoryo sa Pilipinas

Medyo mihuyang ug mihinay ang Bagyong Hagupit samtang padayon kining molihok sa gawas sa Philippine Area of Responsibility (PAR) niining hapon.

Sumala sa report, ang sentro sa Tropical Storm Hagupit anaa sa gilay-on nga 1,035 kilometro silangan sa Northeastern Mindanao.

Aduna kini gikusgon sa hangin nga 65 kilometro kada oras duol sa sentro, nga adunay paghaguros hangtod 80 kilometro kada oras.

Ang bagyo molihok sa direksyong amihanan-amihanan-kasadpan sa kusog nga 10 kilometro kada oras.

Sa kasamtangan, ang easterlies mao ang nakaapekto sa ubang bahin sa nasod.