Nag-file na usab og kandidatura si Bamban, Tarlac Mayor Eraño Timbang aron mukandidato isip mayor sa maong lugar.
Si Timbang ang kasamtangang mayor sa Bamban human niya hulipan si Alice Guo human sa pagtangtang kaniya sa Office of the Ombudsman.
Si Timbang ang bugtong konsehal sa Bamban nga wala mipirma sa Letter of No Objection alang sa operasyon sa Philippine Offshore Gaming Operators(POGO) sa Bamban.
Kahinumduman nga gawas kang Alice Guo gisuspinde usab ang uban pang mga konsehal sa Bamban human ang kontrobersyal nga operasyon sa POGO.
Niadtong tunga-tunga sa bulan sa Agosto dihang nanumpa si Timbang isip teamporaryong mayor sa Bamban.
Samtang, padayon usab nga giatangan kung muduso sa iyang kandidatura ang gitaktak nga mayor sa maong lugar nga si Alice Guo.
Apan kanhi ng nagpadayag ang kampo sa kanhi mayor nga muduso sa iyang kandidatura aron subling magpapili isip mayor sa Bamban Tarlac.
