GENERAL SANTOS CITY – Magpahigayon matud pa og caucus kon meeting sa bulan sa Agosto aron ma-review, og ma-evaluate ang epekto karon sa TRAIN Law.
Sumala pa ni Cong. Pedro Acharon Jr sa 1st District sa South Cotabato nga kini ang gisulti kaniya dihang naistorya niini si House ways and means committee chair Rep. Dakila Cua.
Gibutyag sa Bombo ni Cong. Acharon, una pa man gipasa, miagi ug deliberasyon ang TRAIN Law ilabina ang concern sa epekto niini.
Gi-esplikar pag-ayo sa mga kongresista nga sumala pa makaayo sa Tax collection ang pagpasa sa TRAIN Law og gamay ra matud pa ang epekto niini sa katawhan.
Apan sumala ni Cong. Charon, baliktad ang nahitabo karon tungod dako hinuon ang epekto niinni sa katawhan tungod sa pagtaas sa mga palaliton apan gamay ang koleksyon, butang nga sila sa Kongreso gusto nila kining pangayuan ug eksplinasyon sa Department of Finance.
Sa pagsugod pa lang sa implementasyon sa TRAIN Law daghan na ang ga-angal ilabina sa mga minimum wage earners.
Gikanayon ni Acharon, sa una bisag gamay ang konsumo apan kon dako ang suweldo dako gihapon ang bayrang buhis.
Sa nahitabo karon, gamay ang bayaran o wala bay buhis nga bayran apan anaa sa mga produkto napasa. Hinungdan nga kon kusog mukonsumo, dako usab ang bayran nga buhis.
