Giawhag sa abogado ni kanhi Pangulong Rodrigo Duterte nga si Nicholas Kaufman ang mga supporters nga mahimong malinawon ang ilang pagpakita og paghigugma sa kanhi presidente.
Gibutyag niinii nga nakadawat sila og mga mensahe ingon man ang mga kasuko kabahin sa pagkaaresto ni Duterte sa International Criminal Court.
Gihingusgan niini nga kaniadtong Marso 11 kung asa nag-usa ka tuig ang pagkaaresto sa kanhi pangulo, nakadawat sila og mga mensahe gikan sa mga supporters niini.
Tanang mga mensahe gikan sa mga supporters ang napadangat nila sa kanhi presidente.
Sa umaabot nga Marso 28 saulogon ni Duterte ang iyang ika-81 nga adlawng natawhan kung asa giawhag ni Kaufman ang mga supporters nga himuon kining adlaw nga dili makalimtan.
Kahinumdoman nga giaresto si FPRRD tungod sa pagpatuman niini sa ‘war on drugs’ kaniadtong kini mayor pa sa Davao hangtod mahimong presidente sa nasod.
