GENERAL SANTOS CITY – Gapangandam na karon ang 39th IB Phil. Army, nga nakabase sa Makilala North Cotabato sa posibleng himuon sa NPA, pipila ka adlaw o sa mismong anibersaryo sa grupo sa Dec. 26.
Matud pa ni Lt. Col. Silver Belvis, Civil Military Officer sa 39th IB Phil. Army mas gipahugtan ang gipatumang seguridad ug doble alerto sa ilang gisakupan.
Gani, adunay ideploy na mga kasundalohan katambayayong ang PNP sa pagbantay sa palibot sa maong petsa.
Gikadugang pa ni Bilbes, kung may impormasyon nga madawat kalabot sa dautang plano p panabotahe sa NPA, ireport gilayon sa mga otoridad aron maaksyunan.
Sa pamahayag sa opisyal, dili angayang magkampante ang ilang tropa pagkakaron gumikan dili pareho kaniadto nga bulan pa lamang sa Nobyembre nga mamonitor na ang lihok sa walhong grupo.
Sukwahi karon nga gina-sekreto na sa NPA ang ilang mga gimbutahon ilabina sukad nga gideklara sila sa gobyerno nga terorista.
