GENERAL SANTOS CITY – Miubos ang kaso sa lugos sa dakbayan sa Heneral Santos satuig 2024 kumpara sa tuig 2023. Kini ang gibutyag sa General Santos City Police Office PLtc. Rexor Canoy nga anaa lamang sa 16 ang natala nga kaso sa lugos ning kasamtangan nga tuig sa dakbayan nga mas ubos kon intandi sa tuig 2023 nga mitala og 26 ka mga kaso sa susama nga panahon.
Matud sa maong opisyal nga 16 ka kaso sa tuig 2024, pulo niini ang cleared samtang lima ang solved ug adunay usa nga wala pa naila hangtod ning kasamtangan ang suspek diin nagpadayon pa ang imbistigasyon.
Samtang sa tuig 2023, 26 ka mga kaso sa pagpangulos ang natala kon asa 17 niini ang cleared ug siyam ang solved.
Dugang ni PLtc. Canoy nga kadaghanansa mga biktima kay pamilya lamang niini ang suspek nga nagbuhat sa krimen ug kadagahan usab mga menor de edad ang nahimong biktima. Alayon niini nagpahinudmom ang opisyal sa mga ginikanan nga dili musalig sa bisan kinsa sa ilang mga anak aron nga dili mamahimong biktima.
