GENSAN – Gilauman nga makabenepisyo ang 50 ka kwalipikadong magtiayon sa libreng kasal nga ipahigayon ubos sa programa nga Kasalan ng Bayan sa bulan sa Agosto karong Agosto 28, 2025 sa usa ka hotel ning dakbayan sa Heneral Santos.
Ang maong aktibidad usa ka espesyal nga hotel wedding ceremony nga libre ug gi-organisa sa Lokal nga Gobyerno pinaagi sa Office of the Local Civil Registrar LCR tumong sa programa nga matabangan ang mga kabus nga live-in partners nga wala pa makasal sa balaod apan dugay nang nagpuyo isip magtiayon.
Gipasabot sa LCR nga ang mga cohabiting ug eligible nga magtiayon nga gustong moapil sa kasal kinahanglan nga angay sa mga kondisyon nga gilatid sa Article 34 sa Family Code of the Philippines nga naglakip sa mosunod; Nagpuyo na nga mag-uban sulod sa lima ka tuig, 23 anyos pataas ang edad sa matag usa, Adunay anak nga nag-edad og upat ka tuig pataas, First to comply, first served ang paagi sa pagpili sa mga makasalmot sa seremonya tungod kay limitado lang sa 50 ka pares ang slot, Mga gikinahanglan sa pagparehistro, Birth Certificate sa duha ka magtiayon (23 anyos pataas), Birth Certificate sa anak (4 anyos pataas) CENOMAR Certificate of No Marriage nga original ug adunay official receipt nga gi-isyu sulod sa unom ka buwan, Affidavit of Cohabitation nga notarized sa abogado, Valid nga Identification Card, Bag-ong Cedula.
Ang deadline sa aplikasyon alang sa mga cohabiting couples gi-set sa Agosto 20 2025 Miyerkules Ang aplikasyon alang sa marriage license gisugdan na kagahapong adlawa Hulyo 10 2025.
