SOUTH COTABATO – Padayon ang pagtigum ug mga ebidensya ang kapulisan sa Polomolok kalabutan sa ulahing pagpamusil nga natigayon sa ilang area of responsibility.
Matud sa kapulisan, nga nagpadayon ang imbestigasyon sa pagpusil patay sa mga biktima nga silang Moa Daloro 25 minyo ug Saharudin Malinao 22 anyos mga empliyado sa feed mill sa Magsaysay Polomolok South Cotabato.
Segun sa kapulisan nga ilang girespondihan ang tawag gikan sa usa ka residente nga adunay pagpamusil sa Purok Matulungin kung asa ang mga biktima ang sakay sa traysikel dihang adunay duha ka lalaki nga sakay sa motorsiklo ang kalit nga miabut ug namusil sa mga biktima.
Pulos sa lawas ug ulo ang naangkon nga mga igo sa duha ka biktima nga nagresulta sa ilang kamatayon.
Pagkahuman matud pa sa pagpamusil dali nga mipalayo sa lugar ang mga suspek sakay sa XRM motorcycle ug nabilin sa lugar ang lima ka basyo sa caliber 45 nga pusil.
Gani ang uyu-an sa mga biktima ang wala makahibalo sa motibo sa krimen hinungdan nga nagpatabang sa mga otoridad aron mailhan ang mga suspek.
