-- ADVERTISEMENT --
GENSAN – Nagpabilin nga nakaalerto ang mga kapulisan sa dakbayan sa Gensan isip preparasyon alang sa panahon sa Kapaskuhan.
Matod ni PCol. Nicomedes Olaivar, City Director sa General Santos City Police Office, aduna nay security plan nga giandam og 85 ka pulis kada adlaw ang ginadeploy alang sa Paskuhan sa Gensan apan ilang dugangan depende sa aktibidad nga ipahigayon.
Gibutyag sa nasampit nga opisyal nga daghang pulis ang ipakatag karong gabie atol sa lighting ceremony sa Plaza ng Heneral Santos tungod gipaabot ang pagdagsa sa mga tawo.
Gidugang ni Olaivar nga iyang gitahasan ang mga station commanders nga magdeploy og mga pulis sa mga aktibidad o lugar nga daghan og mga tawo aron ipatuman ang angay nga mga lakang sa seguridad.
