GENERAL SANTOS CITY – Nadakpan sa kapulisan ang usa ka babaye nga nagapangayo og salapi sa mga dunay kaso aron mapadali ang pagbasura niini nga napasang -at sa piskalya.
Sa gipahigayong entrapment nga operasyon nga gikasa sa kapulisan sa pagpanguna ni P/Major Ananias Vasquez sa presinto 4 ning siyudad malamposon nga nadakpan ang usa ka Joy Diola Udtuhan nga lumupyo sa Diaz Subd. Barangay Lagao ning siyudad.
Basi sa impormasyon sa kapulisan nga midangop ang mga reklamante sa ilang buhatan kalabutan sa modus operande niini nga mangayo og dakong salapi sa mga biktima aron mapadali ang pagbasura sa ilang kasong giatubang gumikan sa pasalig niini nga duna siya mga kaila sulod sa prosecutors office apan nasuta nga ang nasampit nga kalihokan ang walay kamatuoran sa rason nga pila na ka semana nga nakabayad ang bikitma wala pa man magdagan ang kaso nga kini mabasura.
Nangayo una og pakitabang ang mga bikitma sa prosecutors office og gidangop ang nasampit nga reklamo ngadto sa atong kapulisan nga meresulta sa pagdakop niini nga gidawat ang 100 thousand pesos nga dunay flourescent powder gikan sa reklamante.
Kasamtangan balhog sa presinto 4 ang suspetsado asa takda kinig pasakaan og reklamo sa pisklaya pinaagi sa pag inquest sa kasong atubangon niini.
