-- ADVERTISEMENT --
Kapin sa P1.4 million ang kantidad sa illegal nga droga ang nakumpiska sa mga otoridad sa buy-bust operation nga natigayon sa Purok Christian Village, Barangay Calumpang, General Santos City.
Gumikan niini duha ang naaresto nga mao silang alias “Batchoy,” 44 years old, sikad driver, nga usa ka High-Value Individual (HVI) og si alias “Dodong,” , 52 years old, sikad driver, nga usa ka Street-Level Individual (SLI), nga pulos mga residente sa Block 1 Purok 13-A, MC Village, Barangay Fatima, General Santos City.
Atol sa operasyon nakumpiska ang nagkadaiyang gidak-on sa plastic sachets sa suspected shabu nga may gimbug-aton nga 206.5 grams og usa ka one-thousand-peso bill isip buy-bust money nga nakuha sa posisyon sa mga nasampit.
