Kapin 1,200 ka tawo ang gipabakwit gikan sa usa ka campsite human misilaob ang duha ka nagkadaiyang nga wildfire duol sa usa ka baybayon sa France.
Bisan pa og nakontrol na ang pipila ka sunog, padayon gihapon ang pagkaylap sa usa niini tungod sa dili maayong kahimtang sa panahon.
Naglisod usab ang mga otoridad sa pagsulod sa lugar, hinungdan nga paspas nga mikaylap ang sunog sa kalasangan.
Gibalhin naman sa usa ka evacuation shelter ang mga residente ug turista nga naapektuhan sa wildfire.
Padayon nga nakasinati og grabeng wildfire ang France ug uban pang bahin sa Europe tungod sa nagkagrabeng heatwave ug nag-usab-usab nga klima.
Matud ni French Environment Minister Monique Barbut, mahimong moabot na sa 15 bilyong euro o kapin sa P1 trilyon ang kadaot nga gipahinabo sa mga heatwave sa nasod.
