Milyun-milyon nga kantidad sa damyos na ang natala sa sektor sa agrikultura human makagawas sa Philippine area of responsibility ang bagyong Aghon, subay sa National Disaster Risk Reduction and Management Council (NDRRMC).
Miabot na sa P21,651,548 ang damyos nga natala gikan sa CALABARZON butang nga nakaapekto na sa 369 mag-uuma ug mananagat. Gawas pa niini, nakatala na ug P448,300 nga damyos sa livestock, poultry ug mga fishpond.
Miabot usab sa 22 kabalayan ang naguba sa bagyo sa Eastern Visayas kung asa 18 niini ang partially damaged samtang upat niini ang totally damaged.
Samtang, mukabat sa P600 million ang damyos sa imprastraktura.
Mukabat na sa 51,858 katao ang apektado sa bagyo, sumala sa NDRRMC.
Sa maong ihap, pito niini ang namatay, walo ang samaron, 21,225 ang evacuues.
