GENERAL SANTOS CITY – Mukabat sa Kapin P2. 3 Million kantidad sa shabu samtang siyam katao ang nadakpan sa gipahigayong operasyon batok sa iligal nga droga sa Regional Drug Enforcement UNit sa Brgy. Tokland Koronadal City.
Giila ni PSupt. Maximo Sebastian Jr. labaw sa RDEU ang mga dinakpan nga silang John Erik Cordero, kanhi sundalo nga maoy target sa operasyon, Bernadeth Carion, Mark Lester Flores Dellasan, Henry Palmes, Jocelyn Benitis Palalay, Pedro Camson, Cris Edcasan, Joseph Glenn Carion og Gabriel Carion.
Kagahapon alas 5 sa buntag dihang 20 ka search warrant ang gisilbi nga nagresulta sa pagkaaresto sa siyam katao nga gikaingong miyembro sa Carion drug group nga ga-operate sa Koronadal.
Mukabat sa 200 gramu sa gituohang shabu ang narekober sa kapulisan nga kantidad og P2, 360,000 million. GAwas niini, nakumpiska usab ang drug paraphernalia, usa ka calibre 45 pistol, caliber 9mm mini oz, rifle grenade fragmentation grenade, og mga buhing bala.
Samtang, lakip sa ebidensiya sa operasyon ang Toyota Hilux nga plate LHG 199 nga padayon pang giimbestigahan tungod posibleng gigamit sa drug operation.
Pagkakaron nagpabilin balhog sa selda ang mga suspek samtang giandam ang mga kaso nga ipasaka batok kanila.
