Nagbangotan ang mga fans sa tibuok kalibutan sa pagkamatay sa beteranong mag-aawit nga si Peabo Bryson, ang tingog sa luyo sa daghang mga Disney theme song ug classic love duets, sa edad nga 75.
Daghang pahasubo ug pasidungog ang miabot gikan sa mga fans ug kaubang musikero, kinsa nagpahayag sa ilang pasalamat sa iyang kabilin sa musika.
Gikumpirma sa pamilya ni Bryson nga namatay siya niadtong Martes, Hunyo 2, 2026 sa Marietta, Georgia.
Gikataho nga na-stroke siya niadtong Domingo ug gipailalom sa medikal nga pag-atiman, sa wala pa siya namatay nga malinawon nga gilibutan sa iyang pamilya ug suod nga mga higala.
Ang iyang kabilin sa industriya sa musika magpadayon, lakip ang mga walay katapusan nga mga kanta sama sa “Beauty and the Beast” ug “A Whole New World,” nga gitangkilik sa daghang henerasyon.
Ang pagkamatay ni Bryson nagbilin ug dakong kawad-on sa industriya sa musika, apan ang iyang mga kanta magpadayon nga mahimong kabahin sa kasaysayan ug mga handumanan sa mga fans sa tibuok kalibutan.
