Anaa sa kinatibuk-ang PhP158. 3 milyones nga balor sa financial assistance ang gihatag ni Presidente Ferdinand Marcos Jr. sa mga lokal nga kagamhanan gikan sa Davao nga grabeng naapektuhan sa 7.4 magnitude nga linog.
Matud ni Palace Press Officer Usec Claire Castro nga ang PhP50 milyones alang sa Davao Oriental; PhP10 milyones para sa Mati City, PhP15 milyones matag usa sa Manay, Banaybayan, ug Lupon.
Samtang PhP10 milyones matag usa alang sa Tarragona ug Baganga.
Matod ni Usec Castro, kini nga suporta gikan sa Office of the President kay aron matabangan ang mga Davaoeno nga makabangon gikan sa epekto sa linog.
Matod niya nga gusto ipaabot sa presidente atol sa iyang personal nga pagbisita sa Davao nga magpadayon ang kagamhanan sa paghatag og hinabang hangtod nga makabangon ug makasugod og balik ang tanang pamilya nga naapektuhan sa linog.
