Arestado ang suspek nga giilang si alias Jek-Jek 30 anyos sa natigayong Implementation of Search Warrant sa Violation of RA 9165 kon comprehensive dangerous drugs act of 2002.
Gipahigayon kini sa Purok 17, Block 6, Brgy. Fatima, General Santos City, sa gipuy-an sa suspek kagahapong adlawa, Abril 9, ning tuiga alas 4:15 sa hapon.
Ang maong operasyon ang gipangunahan sa joint elements sa Fatima Police Station ug ubang unit sa General Santos City Police Office.
Gikabutyag nga atol sa pag implementar sa maong warrant narekober sa posisyon sa suspek ang usa ka small rectangular plastic sachet ug duha ka medium plastic sachets sa gitouhang shabu nga adunay gibug-aton nga more or less 12.2 grams nga adunay standard drug value P82,960.
Samtang ang suspek ang kasamtangan nga balhog sa Police Station 7 ug ginahikay na ang kasong Violation of RA 9165 pinaagi sa inquest proceedings.
