GENERAL SANTOS CITY – Kapin sa 50 aftershocks ang natala hangtod alas 6:00 ning buntag human ang magnitude 5.6 nga linog nga miigo sa Makilala North Cotabato kagabie.
Ang pinakakusog natala sa magnitude 4.8 sa alas 10:12 og 11:31 sa gabie.
Adunay nareport nga damyos sa mga kabtangan ug istraktura sa ubang lugar nga nakabatyag sa pagtay-og.
Susama na lamang sa Kidapawan City og Makilala kung asa pipila ka balay ang nakaangkon ug mga liki.
Una niini, sumala sa Phivolcs, ang sentro sa linog anaa sa 15 kilometers sa Southwest sa Makilala.
Tectonic ang pagtay-og nga adunay kalawmon nga 10 kilometers.
Natala ang musunod nga intensities:
Intensity V – Makilala, North Cotabato; Kidapawan City; Koronadal City; Santa Cruz, Davao Del Sur
Intensity IV – Magpet, Matalam, Kabacan and Tulunan, North Cotabato; Davao City; Polomolok, Tupi, Tampakan, and Sto. Nino, South Cotabato; Tacurong City; President Quirino, Sultan Kudarat; Glan and Malungon, Sarangani
Intensity III – General Santos City; Kiamba, Sarangani; Kalilangan and Damolog, Bukidnon; Carmen, North Cotabato; Bagumbayan, Sultan Kudarat
Intensity II – Cotabato City; Nabunturan, Compostela Valley; Valencia City; Maramag, Lantapan, Cabanglasan, Kadingilan, and Kibawe, Bukidnon; Pikit, North Cotabato
Instrumental Intensities:
Intensity V – Kidapawan City
Intensity I – Zamboanga City
Gilauman pa ang mga aftershocks human sa makusog nga linog
