GENERAL SANTOS CITY – Kumpirmado nga adunay natangtang sa talaan sa DSWD 12 sa mga social pensioner nga taga dakbayan.
Kini human gibutyag ni DSWD 12 Director Cesario Joel Espejo nga mukabat sa 111,000 ka mga pensioner ang nawala sa listahan gumikan sa duplication. Ang naasoy nga ihap matud pa kinatibuk-an na sa rehiyon dose.
Tungod niini lauman na nga adunay magpadangat ug reklamo human dili na makadawat ug binulan nga monthly pension nga tag kinyentos pesos.
Gani nangayu na kini ug pagsabut sa mga senior citizen tungod igo lamang gituman ang patakaran sa ahensiya.
Gipaklaro hinuon niini nga dili mamahimo nga mahatagan ug social pension ang mga nagretiro sa trabaho hilabi na sa gobyerno.
Kahinumduman nga dili na binulan nga madawat ang naasoy nga pension kini tungod gihimo na sa DSWD nga semetral.
Imbes kinyentos pesos ang mabitbit sa senior citizen mahimo na kining P3,000.
