Nanguna si kanhi senador Manny Villar sa 15 ka mga Pinoy nga nalakip sa listahan sa Forbes’ Billionaires 2025. Base sa Forbes niadtong Abril 1, 2025, ang bahandi sa kanhi senador mitubo og $17.2 bilyon.
Sama sa nalista sa 2024 aduna lang kini $10.9-bilyon. Ang 75-anyos nga si Villar gikonsiderar nga labing adunahan nga tawo sa Pilipinas.
Samtang naa siya sa ika-117 nga ranggo sa labing adunahan nga mga tawo sa kalibutan.
Gisundan siya ni Enrique Razon Jr. ang tag-iya sa International Container Terminal Services Inc.
(ICTSI) nga adunay bahandi nga $10.9-B net worth ug ika-227 sa listahan sa labing adunahan nga mga tawo sa kalibotan. Samtang sa ikatulo nga listahan mao si Ramon Ang ang chairman sa San Miguel Corp. kinsa adunay bahandi nga $3.7-b net worth ug anaa sa ika-979 nga labing adunahan nga tawo sa kalibutan.
Sa ikaupat nga dapit mao ang 90-anyos nga si Lucio Tan, tsirman sa LT Group, nga adunay net worth nga $3-B.
Sunod sa listahan mao ang managsuong Sy, Heny Sy Jr nga adunay katigayunan nga $2.3-B, Hans Sy nga adunay bahandi nga $2.2-B; Herbert Sy nga adunay net worth nga $2.1-B, Harley Sy nga adunay net worth nga $1.9-B, Teresita Sy-Coson nga adunay net worth nga $1.9-B ug Elizabeth Sy nga adunay gibanabana nga net worth nga $1.7-B.
Niadtong 2024, ang managsuong Sy nag-una sa listahan sa Forbes sa ilang hiniusang bahandi nga $13-B samtang ikaduha si Razon ug ikatulo si Villar.
Gipangunahan ni Elon Musk ang labing adunahan nga tuig sa kalibutan nga adunay katigayunan nga $342-B gisundan ni Mark Zuckerberg sa Meta nga adunay katigayunan nga $216-B samtang ang Jeff Bezos sa Amazon naa sa ikatulo nga adunay katigayunan nga $215-B.
