Hugot nga gibarugan ni kanhi Philippine National Police (PNP) chief, retired Police General Benjamin Acorda Jr., nga iya lang gihimo kung unsa ang maka-ayo alang sa atong nasud human nanggawas ang iyang mga hulagway uban sa mga indibidwal nga konektado matud pa sa Philippine Offshore Gaming Operators kon POGOs, atol sa Senate hearing.
Sa iyang mensahe ngadto sa mga reporters, gipadayag ni Acorda nga iyang gihigugma ang Pilipinas ug ang PNP organization.
Gani atol sa iyang pagpangatungdanan isip top officer sa PNP, mas gipakusgan pa ni niya ang mga law enforcement operations batuk sa mga illegal POGOs, nga gilambigit sa nagkada-iyang kriminal nga mga kalihukan.
Si kanhi Philippine National Police (PNP) chief, retired Police General Benjamin Acorda Jr. Sa pikas bahin, gibutyag ni Police Major General Leo Francisco, Director sa Criminal Investigation and Detection Group (CIDG), nga ipadayon nila ang pag-imbestiga sa kanhi PNP chief, kinsa gi-akusahang mitabang pagpasibat gikansa nasud kang dismissed Bamban, Tarlac Mayor Alice Guo bisan pa man og gipadayag sa tuburan niini nga impormasyon nga gibase lang niya ang iyang pamahayag sa tsismis.
