Kanhi kawani sa pamilyang Marcos nga nalambigit sa ilegal nga transaksyon, gidakop

Nasikop sa Criminal Investigation and Detection Group (CIDG) ang kanhi empleyado sa First Family nga naggamit sa pangalan ni Presidente Ferdinand Marcos Jr. sa iyang mga ilegal nga transaksyon.

Giila ni CIDG chief Gen. Nicolas Torre III ang suspek nga si Simeon Sander Dela Cruz.

Ang nasangpit nga suspek nasubay sa usa ka hotel sa Pasay City.

Matod ni Torre, nahimo siyang pribadong empleyado sa First Family apan sa dihang nawad-an na siya sa relasyon sa nahisgutang pamilya, nisulod siya sa ilegal nga kalihokan.

Naglakip kini sa mga transaksyon sa pipila ka mga pribadong indibidwal ug sa gobyerno ug mga komisyon gikan sa 3 hangtod 5 porsyento matag transaksyon.