Malipayong gipaambit ni Senador Christopher “Bong” Go nga nakagawas na sa balay tambalanan si kanhi Executive Secretary Salvador Medialdea nga pipila usab ka adlaw nga na-confine sa tambalanan sa The Hague, Netherlands.
Giingong malampuson ang gihimong medical heart procedure kang Atty. Medialdea, apan kinahanglan una siya nga magpabilin didto sulod sa unom ka semana tungod dili pa siya makabiyahe.
Nagpasalamat usab siya sa atong mga kababayan nga nag-ampo ug nagpadayon sa pag-ampo alang sa kahimsog sa kanhi executive secretary.
Sa samang higayon, padayon kining nanawagan nga iampo ang kaluwasan, kahimsog, ug kagawasan ni kanhi Presidente Rodrigo Duterte nga gitanggong sa ICC detention facility tungod sa mga kaso nga iyang giatubang sa mga krimen batok sa katawhan. Ang mga proseso gipaabot sa umaabot nga bulan sa Septiyembre 2025.
