Miapil sa panawagan si kanhi Catholic Bishops Conference of the Philippines (CBCP) president Archbishop Socrates Villegas nga i-ban ang Philippine Offshore Gaming Operations (POGOs) sa Pilipinas.
Sa usa ka pastoral letter, si Archbishop Villegas niingon nga panahon na nga tapuson ang industriya sa POGO sa nasud tungod sa mga seryusong hulga ug kapeligrohan nga hatod sa POGO.
Matod niya, mas seryuso pa ang hulga kaysa sa kaayohan nga makuha sa nasod sa ilang padayon nga operasyon.
Gipakita sa arsobispo ang sunod sunod nga mga raid nga gihimo sa gobyerno batok kanila diin matod niya gidetermina ang gidak-on sa ilang mga operasyon, sama sa human trafficking, torture, ug money laundering.
Kahinumduman nga sunod sunod ang gihimo sa mga otoridad nga operasyon batok sa POGO hubs sa NCR ug Central Luzon.
