Andam na ang legal defense team ni Bise Presidente Sara Duterte sa bisan unsang resulta sa plenary vote sa House sa Articles of Impeachment sa Lunes.
Sumala ni Atty. Michael Poa, ang botohan lang sa House ang ilang bantayan.
Usab, ang depensa nagpahayag og kahandaan kung ang Articles of Impeachment batok sa Bise Presidente ipadala na sa Senado.
Gipasabot ni Atty. Poa nga ang legal team sa bise presidente gilangkoban sa 16 ka abogado ug masaligon sila nga makapresentar sila og lig-on nga depensa para kang VP Sara.
Dugang pa sa abogado nga ang kampo ni Duterte wala makakita og bisan unsang panagbangi sa posibleng pagtigom sa Senado isip impeachment court tungod kay giingon nga kini anaa sa diskresyon sa Senado.
Sumala ni Poa, andam usab si VP Sara nga moatubang sa impeachment court kung gikinahanglan siya.
