Prangka nga namahayag ang lead legal counsel ni kanhi Presidente Rodrigo Roa Duterte nga si Atty. Nicholas Kaufman nga walay interes ang kampo ni Duterte sa pagkuha ni kanhi Presidential Spokesperson Harry Roque isip abogado.
Gihimo kini ni Kaufman tungod sa giingong pagpanghilabot ni Roque sa kasong “crimes against humanity” nga giatubang sa kanhi presidente.
Gipasabot ni Kaufman nga sukad sa unang adlaw, walay interes ang Team Duterte sa pagkuha kang Roque isip abogado. Gipakita matod ni Roque nga siya ra ang tao nga makadepensa kang Duterte.
Matod niya nga mismo si FPRRD gusto nga mohunong na si Roque sa pagpanghilabot sa iyang mga kaso sa ICC.
Gitambagan usab sa abogado si Roque nga hunongon ang pagbitad sa iyang mga tiil sa kaso ug mobalik sa Pilipinas aron atubangon ang iyang kaugalingon nga kaso.
