Nadawat na sa Kamara ang kopya sa petisyon nga gisang-at sa kampo sa Bise Presidente aron kuwestiyonon ang impeachment proceedings ug matod ni House Majority Leader Jill Bongalon, ilang tun-an ang mga lakang nga himuon.
Gisiguro sa mga miyembro sa 11 nga sakop sa House prosecution team, nga naglakip nila Rep. Rode Gutierrez, Rep. Ysabel Maria Zamora ug Jill Bongalon nga andam ang House prosecution team nga mopresentar sa ilang kaso batok kang VP Sara sa higayon nga magtigom ang Senado aron sugdan ang pagtaral.
Matod usab kang zouse Secretary General Reginald Velasco nga ang Office of the Solicitor General maoy abogado sa House of Representatives kalabot sa petisyon nga gisang-at ni VP Sara sa Korte Suprema.
Ang Korte Suprema nagmando sa House of Representatives sa pagkomento sa petisyon ni VP Sara nga ibasura ang impeachment complaint.
Matud ni Velasco nga ang maong kaso gi-refer na ngadto sa Solicitor General.
