Miabot na sa P1.03 bilyon ang kantidad sa kadaot nga nahabilin sa mga miaging bagyo ug Habagat sa sektor sa agrikultura sa nasod.
Kapin sa katunga sa maong kantidad ang nadaot sa mga palay ug humay tungod sa mga kalamidad.
Hapit 50 porsyento nga misaka kini kumpara sa P689.66 milyon nga kantidad sa kadaot nga gibanabana sa Department of Agriculture niadtong Agosto 13.
Tungod niini, kapin 30,000 ka mag-uuma ang naapektuhan, lakip ang kapin 25,000 ka ektarya sa agricultural land ug 25,280 metric tons nga mga produkto sa agrikultura ug pangisdaan.
Sunod sa pinakagrabeng naapektuhang commodity mao ang mais.
Tungod sa mga kadaot, miabot na sa 16,105 metric tons ang nawala sa produksiyon sa agrikultura gikan sa 23,206 ka ektarya nga mga umahan.
Nakaabot usab sa P9.26 milyon ang kadaot sa sektor sa pangisdaan, samtang P6.91 milyon ang kadaot sa livestock o kahayupan, diin kapin 6,000 ka mga hayop ang naapektuhan.
Narekord ang mga kadaot sa pito ka rehiyon, apil na ang Cordillera Administrative Region, Ilocos Region, Cagayan Valley, Central Luzon, Calabarzon, Mimaropa ug Western Visayas.
