GENERAL SANTOS CITY –Subling ipadayong sa Team Pacquiao ang sparring sessions ni eight division world champion ug Senador Manny Pacquiao, karong adlawa.
Makauban gihapon niini ang tulo ka spar mates, ang Pinoy boxer nga si Sonny Katiandagho, Mexican nga si Adrian Young, ug Australian nga si George Kambosos.
Kini human nagpahulay una sa sparring si Pacman kagahapon, luyo nga padayong nagbansay sa iyang Wild Card Gym, kung asa siyam ka rounds silang nag-punchmitts ni Coach Freddie Roach, gawas pa sa skipping rope, heavy bag, speed ball ug uban pa, kauban usab si Assistant trainer Buboy Fernandez, samtang gatan-aw usab ang igsuon nga si Kag. Bobby Pacquiao.
Kumbinsido usab si Kag. Bobby nga kondisyon na kaayo ug andam na pag-ayo ang magulang nga si Manny.
Kahibaluan nga dagsa usab ang mga fans sa sulod ug gawas sa Wild Card Gym, aron makit-an ang pagpangandam silang idolo alang sa umaabot niining away sa Hulyo 2, batok sa Australian nga si Jeff Horn.
