Nahitabo ang bag-ong hulga sa kahanginan ug yuta human mibuto usab ang tensiyon sa Middle East. Gireport nga labing menos 13 ka Syrians ang namatay samtang daghan pa ang samdan sa Israeli artillery ug missile attacks nga mitumbok sa Beit Jinn, habagatan-kasadpan sa Damascus.
Sa Gaza, usa ka Palestino ang napatay sa laing atake sa Israel sa Bani Suheila, duol sa Khan Younis. Padayon ang grabeng pag-atake sa teritoryo samtang ang mga komunidad didto naghandom og kaluwasan sa walay hunong nga pagbomba.
Sa laing bahin, nagdilaab usab ang kasuko sa West Bank human gibarogan sa video footage ug testimonya sa mga testigo nga duha ka unarmed Palestinian men ang gipusil ug gipatay sa Israeli soldiers sa lungsod sa Jenin bisan pa nga misulay sila sa pagsurrender.
Sumala sa pinakahulihang datos, miabot na sa 69,785 ka Palestino ang namatay ug 170,965 ang samdan sukad nisugod ang gyera sa Gaza niadtong Oktubre 2023. Sa Israel, 1,139 ang namatay sa Hamas-led attacks sa Oktubre 7, 2023, ug kapin 200 ka tawo ang gidala nga bihag.
Padayon ang global nga kabalaka sa nagpasangko nga panghitabo samtang nagdilaab ang panawagan sa kalibutan alang sa paghunong sa gubat ug pagpanalipod sa mga sibilyan.
