GENERAL SANTOS CITY – Gihatod na sa iyang ulahing kapahulayan si anhing Kag. Benjamin Talon, ang Indigenous People’s Mandatory Representative ning dakbayan.
Gilubong ang nasampit kagahapon sa buntag, Sabado, sa Forest Lake Cemetery dinhi sa siyudad.
Kahibaluan nga una niini, kaniadtong Biyernes nag-overnight ang patay’ng lawas sa Sangguniang Panglungsod, kung asa usab nagpahigayon ug necrological service, ang mga kaubanan sa konseho, ug mga opisyal sa lokal nga panggamhanan, ug mga kabanay ni Kag. Talon.
Kahinumduman nga namatay si Kag. Talon sa edad nga 62, miaging semana, gumikan sa sakit sa kasing-kasing.
Giatangan pa kon kinsa ang muhulip kang Talon sa pwesto sa pagka-IPMR.
Una nang giklaro ni Roy Sim, staff sa kanhing IPMR nga si Kag. Juanito Kindat, kung unsa ang proseso sa pagpili sa mulingkod sa naasoy’ng posisyon.
Sumala pa nga ang tanang mga lider gikan sa 13 ka barangay sa siyudad nga adunay mga IPs ang muapil sa ipatawag nga general asssembly.
Ang maong panagtigum ang pangunahan mismo sa National Commission on Indigenous People kon NCIP.
Sumala pa nga sayon lamang ang pagpili gumikan kung kinsa ang mapilian nga may dako ang boto ang maoy mudaog.
